عمران خان کا منصوبہ - حصہ اول

تحریر: چارلی کیمبل - ٹائم میگزین

ترجمہ: عاکف خان 

Courtesy Time’s Magazine: Click here to read the original article. 

سیاسی رہنما اکثر اپنے مضبوط اعصاب پر فخر کرتے ہیں مگر عمران خان اپنی دائیں ٹانگ سے نکلی ہوئی تین “گولیوں” کا ذکر کرتے پائےجاتے ہیں۔ پچھلے سال نومبر میں ایک تنہا بندوق بردار نے ایک ریلی کے دوران خان پر فائرنگ کی، جس سے 70 سالہ خان کے ساتھ ساتھ انکئی حامی بھی زخمی ہوئے، جبکہ ایک کی ہلاکت ہوئی۔ پاکستان کے سابق وزیر اعظم اور اپنے زمانے کے کرکٹ آئیکون کا کہنا ہے کہ "ایکگولی سے اعصابی رگ کو نقصان پہنچا ہے جس کے باعث میرا پاؤں ابھی تک ٹھیک کام نہیں کر رہا۔ مجھے زیادہ دیر تک چلنے سے تکلیف ہوتی ہے

 

اگر اس زخم نے خان کے حوصلے توڑے بھی ہیں تب بھی مارچ کے اواخر میں لیے گئے اس زوم انٹرویو میں ایسا کچھ دکھائی نہیں دیتا - وہی لمبی زلفیں، کھلکھلاہٹ اور بائیں کلائی سے لپٹی تسبیح۔ لیکن ہماری پانچ سال قبل ہوئی آخری گفتگو کے بعد شاید بہت کچھ بدل چکا ہے۔اقتدار

 یا پھر اس اقتدار کے چھن جانے نے اپنے نقش چھوڑے ہیں۔ اپریل 2022 میں پارلیمانی عدم اعتماد کے ووٹ میں ان کی بے دخلی کےبعد، خان نے اپنے حامیوں اور چاہنے والوں کو اپنے "جہاد" کے لیے متحرک کیا ہے، جس میں وہ فوری انتخابات کا مطالبہ کرتے ہیں کیونکہ انکے مطابق انہیں ایک امریکی سازش کے ذریعے غیر منصفانہ طور پر اقتدار سے بیدخل کیا گیا ہے۔ (امریکی محکمہ خارجہ نے ان الزامات کی تردید کی ہے۔)

اصل سازش خالصتاً پاکستانی ہے۔ خان پاکستانی فوج کی حمایت سے اس وقت محروم ہو گئے جب انہوں نے ان کی پاکستانی انٹیلی جنس ایجنسی آئی ایس آئی کی قیادت کے انتخاب کی توثیق کرنے سے انکار کیا، کیونکہ ان کے سابق عہدے دار (جنرل فیض) کے ساتھ قریبی تعلقات تھے۔ اس کے ساتھ انہوں نے نئے چیف کو بھی ہری جھنڈی دکھائی تو اپوزیشن کو کمزوری کا احساس ہوا اور اس نے فوراً عدم اعتمادکی تحریک کے ساتھ خان کو وزارت عظمیٰ سے فارغ کروا دیا۔ اس کے بعد خان اپنا غم و غصہ سڑکوں پر ریلیوں کی صورت لے آئے۔

نومبر میں خان کے اوپر ہونے والے ناکام قاتلانہ حملے نے ان کی پارٹی، پی ٹی آئی کے اراکین میں ناانصافی کے احساس کو مزید تیز کر دیا،جو اس کے بعد کئی بار سڑکوں پر پولیس کے ساتھ تصادم کر چکے ہیں۔ اگرچہ اس حملے کے نتیجے میں ایک مذہبی جنونی کو گرفتار کیا گیاتھا، مگر خان اس کا الزام اپنے حریفوں بشمول موجودہ وزیر اعظم شہباز شریف جو کہ خان کے دیرینہ دشمن سابق وزیر اعظم نواز شریف کے بھائی ہیں، وزیر داخلہ رانا ثناء اللہ اور میجر جنرل فیصل نصیر پر دھرتے ہیں (سب نے اس الزام کی تردید کی ہے۔)

گولیوں کے علاوہ، خان کو کرپشن، بغاوت، توہین رسالت اور دہشت گردی سمیت، پچھلے 11 مہینوں کے دوران 143 مقدمات میں بھی نامزد کیا گیا ہے۔ خان کے مطابق یہ سب انہیں سیاست سے نااہل قرار دینے کی کوشش میں گڑھے گئے خودساختہ الزامات ہیں۔ جب سے شریفکی کابینہ نے 20 مارچ کو اعلان کیا کہ پی ٹی آئی "عسکریت پسندوں کا ایک گروہ" ہے جس کی "ریاست کے خلاف دشمنی" کو برداشت نہیں کیا جا سکتا، پولیس خان کے سینکڑوں حامیوں کو گرفتار کر چکی ہے۔

 

وزیر داخلہ ثناء اللہ نے بھی 26 مارچ کو کہا کہ یا تو عمران خان موجود رہیں گے یا ہم۔ کبھی کبھار ایسا لگتا ہے کہ پاکستان ہمیشہ ایکگہری کھائی کے دہانے پر رہتا ہے۔ اس کا موجودہ سیاسی عدم استحکام تباہ کن سیلابوں، مہنگائی، اور ہمسایہ ملک افغانستان سے سرحدپار دہشت گردانہ حملوں کے درمیان آیا ہے جس نے تئیس کروڑ کے ملک کے تانے بانے کو مل کر خطرے میں ڈال دیا ہے۔ ایک ایسا ملک جہاں عصمت دری اور بدعنوانی عروج پر ہیں، اور معیشت کا دارومدار آئی ایم ایف کے رکے ہوئے بیل آؤٹ کو کھولنے پر ہے، جو کہ انیس سوسینتالیس میں آزادی کے بعد سے پاکستان کا 22 واں بیل آوٹ ہے۔ مہنگائی مارچ میں سالانہ 47 فیصد تک بڑھ چکی ہے۔ پیاز کی قیمتوں میں228 فیصد، گندم میں 120 فیصد اور کھانا پکانے والی گیس کی قیمتوں میں 108 فیصد اضافہ ہو چکا ہے۔ اسی مدت کے دوران، روپیہ 54 فیصد تک گر چکا ہے۔

 

"دس سال پہلے، میں ماہانہ 10,000 روپے [$100] کماتا تھا مگر میں پریشان نہیں ہوتا تھا،" محمد غضنفر، راولپنڈی کے ایک گراؤنڈ میناور باغبان کہتے ہیں۔ "مہنگائی کی اس موجودہ لہر میں، اگرچہ میں اب 25,000 [$90 موجودہ] کماتا ہوں، مجھ سے اپنے اخراجات پورےنہیں ہو پاتے۔" دنیا کے پانچویں سب سے زیادہ آبادی والے ملک کے پاس صرف 4.6 بلین ڈالر کے غیر ملکی ذخائر ہیں یعنی 20 ڈالر فیشہری۔ پاکستان میں امریکہ کے سابق سفیر، کیمرون منٹر کہتے ہیں، ’’اگر پاکستان ڈیفالٹ کرتا ہے، تیل نہیں ملتا، کمپنیاں تباہ ہوجاتی ہیں،اور لوگوں کے پاس نوکریاں نہیں ہوتیں، تو آپ کہہ سکتے ہیں کہ یہ بالشویک انقلاب کے لیے تیار ملک ہے۔

‘‘

خان کہتے ہیں، ’’ہماری معیشت زبوں حالی کا شکار ہے۔ "ہمارے معاشی انڈیکیٹر تاریخ کی بدترین سطح ہر ہیں۔" اس صورتحال میں ایٹمی ہتھیاروں سے لیس ملک کا چین کے چنگل میں مزید گرنے کا خطرہ ہے۔ اس کے باوجود مغرب پاکستان کے لیے ہمدردی بہت کم ہے جس کی وجہخان کی برسوں کی امریکہ مخالف بوکھلاہٹ اور طالبان سمیت مطلق العنان اور انتہاپسندوں کے ساتھ ہمدردی ہے۔ خان مطلق العنان ترکصدر رجب طیب اردگان کو "بھائی" کہتے ہیں اور یوکرین کے حملے کے عین موقع پر ماسکو میں روسی صدر ولادیمیر پوٹن سے ملاقات میںمشغول تھے جسے انہوں نے "بہت زیادہ گرم جوش اور خوش آئند" موقع قرار دیا۔ خان ایک ہی سانس میں اسامہ بن لادن کو "شہید" اوربیجنگ کی ایغور مسلم اقلیت کے کنٹرول کی تعریف کرتے ہیں۔ خان جو بائیڈن کے صدر بننے پر انہیں فون کرنے کے لیے بے تاب رہے مگر اس میں سخت ناکامی کا شکار ہوئے۔ ووڈرو ولسن سینٹر میں ایشیا پروگرام کے ڈپٹی ڈائریکٹر مائیکل کوگل مین کا کہنا ہے کہ “خان اس ناکامی پر سخت بجز ہیں۔”

اس کے باوجود خان حقیقتا جمہوریت کا دعویٰ کر سکتے ہیں۔ پولز کے مطابق اگر وہ انتخابات کا مطالبہ کرتے ہیں تو وہ اقتدار میں واپس آسکتے ہیں۔ یونیورسٹی آف ویسٹرن آسٹریلیا میں سنٹر فار مسلم سٹیٹس اینڈ سوسائٹیز کی ڈائریکٹر ثمینہ یاسمین کہتی ہیں، ’’ان کی مقبولیتآسمان کو چھو رہی ہے۔ "اس سے کوئی فرق نہیں پڑتا ہے کہ وہ کیا کہتے ہیں، یہاں تک کہ کوئی انتہائی غیر معقول بات بھی، حقیقت یہ ہےکہ لوگ ناراض ہیں اور ان کے پیغام کو تسلیم کرتے ہیں."

اسلام آباد میں ایک ٹیلی کمیونیکیشن انجینئر، 50 سالہ اسامہ رحمٰن کہتے ہیں، "عمران خان ہمارے پاس اس وقت سب سے بہترین آپشن ہیں۔اگر انہیں گرفتار کیا گیا یا نااہل قرار دیا گیا تو لوگ سڑکوں پر نکل آئیں گے۔"  اس کے باوجود ریاست اس معاملے میں پیش رفت پر تجربات کر رہی ہے۔ مارچ کے اوائل میں صوبہ پنجاب کے دارالحکومت لاہور میں خان کےگھر پر پولیس کی آنسو گیس شیلنگ نے خان کا سانس لینا مشکل بنا دیا۔ اسی دوران ان کے لاٹھی بردار حامی ریت کی بوریوں کے عارضیمورچے بنا کر اور لوہے کی سلاخوں سے پولیس کے ساتھ مقابلے پر ڈٹے رہے۔ خان کہتے ہیں، ’’اس قسم کا کریک ڈاؤن پاکستان میں کبھی نہیں ہوا۔ میرا نہیں خیال کہ اتنے برے حالات کبھی کسی مارشل لاء میں بھی رہے ہوں۔"

جب خان 18 مارچ کو عدالت میں پیش ہونے کے لیے اپنے کمپاؤنڈ سے بلٹ پروف ایس یو وی میں جو کہ پھولوں کی پتیوں اور محافظوں سے اٹی ہوئی تھی رخصت ہوئے تو پولیس اس وقت ان کے گھر گھس گئی جہاں ان کی اہلیہ گھر میں “اکیلی” تھیں۔ خان کا کہنا ہے کہ نوکروں کو ماراپیٹا گیا اور باورچی کو پولیس حولات لے گئی۔ اسی دن خان کے مطابق اسلام آباد جوڈیشل کمپلیکس کے اندر ان پر ایک اور قاتلانہ حملے کامنصوبہ تیار تھا، جسے "خفیہ ایجنسیوں اور نیم فوجی دستوں نے ناکام بنا دیا۔"

(جاری ہے)

ای میل سبسکرپشن کے لیے ویب ورژن میں دائیں طرف سبسکرائب کریں تا کہ آپ کو اگلے حصوں اور مزید تحاریر کی بروقت ای میل اپڈیٹس مل سکیں۔ 

Javed sb, You Didn’t Have to Eat Your Heart Out Here

I used to be a fan of you, your rationality, your humanism, the way you thrashed unreasonable people such as Sadh Guru in debates, your bravery in the face of orthodoxy and all, despite your aloofness, which I think comes naturally with age and experiences of life. But there was no need to act dense at a place where you were invited as a guest.

Looks like this is not novel of you. Bushra Ansari’s sister Neelum Ahmad Bashir in her travelogue on India recalls her visit to your house accompanied by your sister - the way you acted impolitely to your sister in the presence of guests and to the guests themselves, even though you were warmly welcomed by Bushra in the past where your wife was laden with gifts by her as well. People must not have taken that account seriously when it was first published. Maybe you had your reasons. But guess what, that will make sense to people now.

You complained that Indian icons, poets or showbiz legends, are not welcomed warmly in Pakistan the way Pakistani ones are welcomed in India. You said this in a ceremony where you were invited and in the country where you were being celebrated at that very moment. You even received applause on your statement. Not so rational of you. This was also the ceremony held in the name of someone whose daughter was deported by Indian government. Let’s be more honest about it. Indian icons who have visited Pakistan have always been welcomed here, from Dillip Kumar to Raj Kapoor, Naseeruddin Shah, Mahesh Butt, Pooja Bhatt, Salman Khan, Nawazuddin Siddiqui, Emraan Hashmi, Arbaaz Khan, Johnny Lever, Urmila Matondkar, Kalki Koechlin, Kim Sharma, Preeti Jhangiani to your highness among many. You complained Pakistan doesn’t celebrate Indian legends such as Lata G. People love Hollywood movies and music legends here, from Kishore Kumar to Arjit Singh. And truth be told, Pakistani actors are only invited in India when they have some commercial value. In the wake of recent events, they are also banned from working there (Fawad, Mahira and others) while you were sitting in the cultural capital of Pakistan.

"You were denied accommodation in Mumbai because of your Muslim identity despite you being an ardent secular and an open atheist. Please fix your own house before lecturing others. There are enough people in Pakistan who are vocal against extremism and at a very high cost unlike you."

You were right about extremism but again you were not honest about it. Who is roaming free in Pakistan? The main culprit of 26/11 was hanged in your country, the rest were killed, and the masterminds are behind bars in Pakistan. You know who is roaming free? The perpetrators of APS attack. We, the Pakistani people, are suffering to the levels unimaginable to you. The audience sitting in front of you who applauded your comment are the ones who are against this extremism and terrorism. You didn’t need to say that to them in their face. They were your allies. And bitter truth be told, you are in no moral position to lecture us on that when your own house is collapsing under the weight of extremism and your premiere has a shady history. You were denied accommodation in Mumbai because of your Muslim identity despite you being an ardent secular and an open atheist and that too, long before BJP came in power. Please fix your own house before lecturing others. There are enough people in Pakistan who are vocal against extremism and at a very high cost unlike you. I do not disagree with your stance, but I disagree with the occasion.

And to those who are saying that Javed sb’s comments are a mirror etc, please open your eyes. You know who is endorsing his stance? People like Kangana Ranaut – Bhakts and Sanghis, RSS and BD goons, the extremists on the other side – even when Javed sb “doesn’t consider them important.” The damage is done. The hate won. Ghus kay maara. Have some self-respect. Stop blindly following ideological icons (just like the ones you criticize) in order to show off your rebellious nature and to look different. You don’t need to be politically correct about it. This was plain stupid. It will also damage the future prospects of visitors to both countries. It will damage peace. Nobody will invite anyone anymore.

Only when things start to get better, some idiocy ruins the whole thing. The people were happy. They welcomed you and you had to ruin it. Please, remain vocal on matters of concern but be wise about it. More is expected from you. Don’t lose your admirers and don’t benefit the haters.

لہندا کیا ہے؟ کیا ہندکو، سرائیکی اور پوٹھوہاری لہندا یا مغربی پنجابی زبانیں ہیں؟

 لہندا، جسے لہندی بھی کہتے ہیں شمال مغربی آریائی زبانوں کے گروہ کا نام ہے جو کہ پاکستان اور بھارت میں بولی جاتی ہیں۔ لہندا کی جینیاتی گروپنگ متعین نہیں ہے۔ یعنی یہ ثابت نہیں ہے کہ یہ زبانوں کے کس خاندان سے تعلق رکھتی ہیں۔ 

لہندا یا مغربی پنجابی کی اصطلاحیں “ایگزونم” ہیں جو کہ ماہرین لسانیات (کالونیل آقاوں) نے اپنی سہولت کے تحت ان زبانوں کے لیے استعمال کی ہوئی ہیں اور ان زبانوں کے بولنے والے لوگ یہ لہندا یا مغربی پنجابی کی اصطلاحیں اپنی زبانوں کے لیے ہرگز استعمال نہیں کرتے۔ 

ایگزونم اس نام کو کہتے ہیں جو باہر کے لوگ کسی چیز کے لیے اپنی سہولت کے لیے استعمال کرتے ہیں جیسے جرمن جرمنی کو ڈچ لینڈ پکارتے ہیں مگر انگریزی میں اسے جرمنی کہا جاتا ہے یا جیسے پختونوں کو باہر کے لوگ پٹھان پکارتے ہیں۔ 

فیسبک پوسٹ کے لیے نیچے والے لنک پر کلک کریں  

https://www.facebook.com/534596120/posts/pfbid035Qsck1XG5cfncTKbyjHiWXhxSdPEgEfFQPb9WjHpKM4y1oP7wjb4NvMcentdUAu5l/?mibextid=q5o4bk

کچھ داستان مدرسے کے دنوں کی

نیچے ایک مولوی کے خلاف ایف آئی آر کی تصویر ہے۔ یہ مولوی ایک چھوٹی بچی کے ساتھ دس درازی کر رہا تھا قرآن پڑھاتے وقت۔ اس واقعے کی ویڈیوبھی موجود ہے۔ ہم نے مدرسے میں پانچ سال گزارے۔ ایسے کئی واقعات دیکھے مگر کوئی ہماری باتوں پر یقین نہیں کرتا تھا۔ موبائل، کیمرہ، انٹرنیٹ اور سوشل میڈیا نے اب بہت سے رازوں سے پردے اٹھا دیے ہیں مگر کچھ لوگ پھر بھی ماننے کو تیار نہیں۔ اکثر سمجھتے ہیں ہمارے بچوں کے ساتھ ایسا کچھ نہیں ہو گا۔ ہمارا قاری بہت اچھا ہے۔ 

مولوی دو ہی طرح کے ہوتے ہیں یا ایسے یا تشدد پسند۔ ہمارے مولوی صاحب تشدد پسند تھے۔ تشدد پسندوں کا قصہ سنیں جن سے ہمارا واسطہ پڑا۔ انہوں نے میرے کزن کی پسلی تک توڑ دی تھی۔ بلاوجہ مار دھاڑ روز کا معمول تھا۔ سیب کے درخت کی چھڑیاں رکھی ہوتی تھیں جن پر ٹیپ لپیٹی ہوتی تھی۔ جس پہلے مدرسے سے ناظرہ پڑھا وہاں کے قاری کے پاس بھی ایک چھوٹا بیس بال نما ڈنڈا ہوتا تھا جو وہ دور سے پھینکتا تھا۔ ایک مرتبہ ایک بچے کی آنکھ میں جا لگا۔ اس کی آنکھ ضائع ہوتے بچی۔ 

ہمارا ایک ساتھی طالب ہوتا تھا حفظ اور ترجمہ تفسیر کے دنوں۔ اس کو فلمیں دیکھنے کا بہت شوق تھا سینما جا کر۔ ختمانے کے پیسے اکٹھے کر کے مہینے میں ایک آدھ بار تاج محل سینما جاتا تھا۔ فلم دیکھتا تھا۔ واپس آ کر کہانی سناتا تھا۔ مقیم طالب تھا۔ دس گیارہ بہن بھائی تھے ماں باپ نے پکا مدرسے میں ڈال دیا تھا۔ کوئی پوچھنے نہیں آتا تھا مہینوں۔ جس کا مطلب تھا قاری صاحب جیسے مرضی اس سے برتاو کریں۔ صبح فجر کے بعد قاری صاحب کے گھر دہی پہنچانے کا کام اس کا تھا۔ روزانہ مار پڑتی تھی اور حد سے زیادہ۔ اسے سبق یاد نہیں ہوتا تھا۔ کوئی دلچسپی ہی نہیں تھی۔ قاری صاحب اس کی قمیض اوپر کر کے برہنہ کمر پر چھڑی سے مارتے تھے۔ بہت ترس آتا تھا۔ نیاز نام تھا۔ پتا نہیں اب کدھر ہو گا اور کیسا مولوی بنا ہو گا۔ 

نوے کی دہائی کے آخری سالوں میں جو شدت پسندی کی لہر آئی تھی، والد صاحب کو بہا لے گئی۔ ہم سب کو مدرسے میں ڈال دیا۔ پانچ سال رگڑا کھایا۔ ہم ڈے سکالر تھے اور تین بھائی، ایک فرسٹ کزن اور باقی کچھ دور کے کزنز۔ گروپ تھا لہذا بڑے شکاری طالبوں کے ہاتھوں جنسی تشدد سے بچ گئے۔ جو اکیلا لڑکا ہوتا تھا اس کی شامت ہوتی تھی۔ اس پر ان شکاریوں کی نظر ہوتی تھی۔ سامنے قرآن کھلا ہوتا تھا اور وہ کچھ ہوتا تھا کہ الامان الحفیظ۔ ہمارا ہال اوپر والی دوسری منزل پر ہوتا تھا۔ عصر کی نماز کے وقت نیچے نماز ہوتی تھی اوپر اندھیرا ہوتا تھا۔ اکثر اوقات اسی وقت وہ شکاری اس ہال پر قابض ہوتے تھے۔ انہی میں سے ایک ہماری قریبی مسجد کا امام بن گیا۔ ایک دن مجھے رستے میں پکڑا تم نماز پڑھنے کیوں نہیں آتے۔ تمہیں علم ہے جماعت کی نماز چھوڑنے پر کتنا عذاب ہے۔ میں نے کہا تمہارے پیچھے پڑھنے پر کتنا عذاب ہے۔ کھسیانا ہو گیا۔ 

صبح اذان سے پہلے پہنچنا ہوتا تھا۔ سردی، برف اور کہر میں منفی ڈگریز میں جرابوں کے تین تین جوڑے سویٹریں چادریں ٹوپیاں جیکٹیں پہنے آدھی نیند میں جاتے تھے۔ ظہر سے عصر دوسری شفٹ ہوتی تھی۔ عصر کے بعد ترجمہ تفسیر کا درس۔ ساتھ دن کو سکول۔ صبح نیا سبق اور سبقی پارہ جبکہ ظہر کے بعد منزل یعنی ایک پچھلا پارہ بالترتیب سنانا ہوتا تھا۔ 

میٹرک کے امتحانات آئے تو قاری صاحب سے چھٹی مانگی۔ نہیں دی۔ کہتے دینی تعلیم کو برتر نہ سمجھو۔ حالانکہ خود اپنے بیٹے کو مجھ سے مفت ٹیوشن پڑھاتے تھے۔ پرائیویٹ سکول میں پڑھتا تھا۔ اکلوتا تھا۔ بعد میں وہ بھی عالم بنا مگر ایک حادثے میں اپنی جان گنوا بیٹھا۔ میں جب کبھی اسے پڑھانے نہ جاتا تو شامت آ جاتی۔ بات بات پر مار پڑتی۔ خیر ایک وقت کی چھٹی مانگی وہ بھی نہیں دی۔ آخر اس بات پر راضی ہوئے کہ نیا سبق نہ سناو۔ انگریزی کے پرچے والے دن والد صاحب نے کہا آج نہ جاو، گھر دوہرائی کر لو۔ ظہر کے وقت جب مدرسے پہنچا تو قاری صاحب نے دو چھڑیاں تیار رکھی تھیں۔ ایک انہوں نے مجھے مار مار کر مجھ پر توڑی، دوسری میں نے ان پر اور مدرسے سے ننگے پاوں بھاگ گیا۔ 

والد صاحب کو بھی سمجھ آ گئی کہ یہ کام نہیں چلنا۔ آہستہ آہستہ سب نکل آئے مدرسے سے۔ تین مدرسوں میں وقت گزارا، تینوں میں یہی حال تھا۔ بڑے بڑے لڑکوں کو مرغا بنایا ہوتا تھا پانچ پانچ گھنٹے۔ غریب لڑکے مار کی پریکٹس مشینیں ہوتے تھے۔ ایک دفعہ ایک لڑکے کو اس لیے مار پڑی کیونکہ اس نے واری صاحب کو دو ماہ سے چائے نہیں ہلائی تھی۔ ایک اور کو قاری صاحب کے بڑے بیٹے نے مار مار کر ادھ موا کر دیا کیونکہ اس نے قاری صاحب کے چھوٹے بیٹے سے لڑائی کی تھی جو الگ سے مدرسے کا پھنے خان تھا۔ 

بھائی اور کزن کئی بار بھاگے مدرسے سے۔ ایک دفعہ کزن کو خانیوال اور ایک دفعہ کراچی سے واپس لائے۔ مدرسہ چھوڑنے کے بعد اپنی تعلیم پر توجہ دی۔ ایک بھائی نے کمپیوٹر انجینیئرنگ کی، ایک نے کیمسٹری، ایک نے سی اے۔ تینوں یو کے ہوتے ہیں۔ جبکہ ہم نے پی ایچ ڈی کی۔ باقی بھی جو جو اس وقت نکل گیا، کہیں پہنچ گیا مگر اس وقت کی مہر سب کے ذہنوں پر ثبت ہے۔ اب اس بچی کے ذہن پر کیسے ثبت ہو گی، خدا جانتا ہے۔ 

 

فیسبکی دانشور کیسے بنا جائے - حصہ چہارم

بڑا فیسبکی دانشور کیسے بنا جائے سلسلے میں خوش آمدید۔ چونکہ بڑا فیسبکی دانشور بننا آسان کام نہیں ہے اسی طرح اس کو سمجھنا بھی آسان کام نہیں ہے۔ لہذا ہر کچھ عرصے بعد فیسبکی دانشوروں کا ایک نیا پرتو سامنے آتا ہے۔ چونکہ ساتھ ساتھ ان جانداروں کا ارتقاء بھی ہوتا رہتا ہے تو سلسلے کو اپڈیٹ کرنا ضروری ہوتا ہے تاکہ طلباء اور احباب بھرپور طریقے سے باہم مستفید ہو سکیں۔ 

تو چلیے، چلتے ہیں نئے چیپٹر کی طرف۔ حال ہی میں تین نئی اقسام یا خصوصیات کا مشاہدہ کیا گیا ہے جن میں سے دو کا تعلق سرقہ بازوں جبکہ تیسری کا انتہائی بڑے دانشوروں کے ایک نادر عمومی رویے سے ہے۔ آپ پہلے دو پڑھے بغیر تیسرے پر چھلانگ لگانے کا مت سوچیں کیونکہ اس درجے پر پہنچنے کے لیے آپ کو پہلی دو اجناس میں ممکنہ طور پر تبدیل ہونا پڑ سکتا ہے۔ 

۱- دوسرے فیسبکی دانشوروں کو اپنا دوست بنائیں۔ نام میں حتی الامکان طور پر ایڈووکیٹ، ڈاکٹر نہیں تو کوئی ڈاڈی قوم یا تخلص ٹھوک دیں۔ اس کے بعد دوسرے فیسبکی دانشوروں کی تحاریر ڈھٹائی سے چوری کر کے اپنی بنا کر لگا دیں۔ کوئی اعتراض کرے تو ان کے کمنٹس کو اگنور یا ڈیلیٹ کر دیں۔ ڈھٹائی پر کمر کسنا ضروری ہے۔ 

۲- اس کا اگلا لیول یہ ہے کہ کسی غیرمعروف لکھاری کی تحریر چوری مگر تبدیل کر کے اپنے باقی سرقہ شدہ مال میں مستعمل طریقے سے شامل کر لیں اور ایک ناول چھاپ دیں۔ یاد رہے اس کے لیے آپ کو چند وفاداروں کی ضرورت پڑ سکتی ہے۔ اگر مسئلہ زیادہ بڑھ جائے تو اپنے کمنٹس بند کر دیں اور زیادہ شور مچانے والوں کو بلاک کر دیں۔ آپ اس تحریر کے انیس سو سینتالیس کے سکرین شاٹس فوٹو شاپ کر کے یہ بھی ثابت کر سکتے ہیں کہ وہ تحریر پہلی مرتبہ آپ یا آپ کے دادا نے ہی لکھی تھی۔ 

۳- آپ کا ہر موضوع پر رائے دینا انتہائی ضروری ہے۔ اس سے کوئی فرق نہیں پڑتا کہ آپ کو اس کا کوئی علم ہے یا نہیں۔ گوگل کا استعمال کریں یا چیٹ جی پی ٹی سے مستفید ہوں، یہ آپ کی اپنی مہارت پر منحصر ہے۔ مگر سب سے اہم بات یہ ہے کہ یہ کام آپ نے فورا کرنا ہے چاہے آپ کے پاس کوئی خاص رائے ہے یا نہیں۔ اگر آپ لیٹ ہو جائیں یا آپ کو خبر ہونے تک باقی فیسبکی دانشور اپنی اپنی رائے کا وائرل اظہار کر چکے ہوں تو کچھ ایسی طنزیہ پوسٹ کر کے اپنے فالوورز کو دوبارہ گھیر لیں۔ ”اب ہر کوئی ہی کامسیٹس کے پرچے پر رائے دے رہا ہے تو چلو میں رہنے دیتا/دیتی ہوں” وغیرہ۔ اس سے یہ ہو گا کہ دوسرے تمام معمولی فیسبکی دانشور آپ کے فیسبکی دانشوری کے منصب سے مرعوب بھی ہو جائیں گے اور آپ کوئی رائے دیے بغیر بھی اپنی رائے دے چکے ہوں گے۔ ریلیونٹ رہنا ازحد ضروری ہے۔ 

صوبہ ہزارہ، ہندکو اور اے این پی

 آپ لوگ ہزارہ کے لوگوں کو نفرت سے پنجابیان بولتے ہو۔ پشاور، مردان، صوابی، چارسدہ میں ہزارہ کے لوگوں کو انتہائی زیادہ تعصب کا سامنا کرنا پڑتا ہے۔ وہاں نوکریاں نہیں کر سکتے۔ اے این پی نے 12 اپریل دو ہزار دس کو ایبٹ آباد میں درجنوں نوجوانوں کا قتل عام کیا (سرکاری آنکڑہ سات سے بیس کے درمیان ہے، کئی لوگ فائرنگ میں اپنے اعضاء بھی کھو بیٹھے)۔ ببڑہ قتل عام کی یاد تازہ کروا دی۔ 

جب صوبوں کی بات آتی ہے تو پھر یاد آ جاتا ہے کہ صوبہ سرحد یا “کے پی کے” میں بیس سے زاہد زبانیں بولی جاتی ہیں اور ہزارہ میں بھی پختون بستے ہیں جو ہندکو کے ساتھ ساتھ پشتو بھی بولتے ہیں اور کوہاٹ، صوابی اور پشاور میں بھی ہندکو بولی جاتی ہے۔ 

اے این پی ہزارہ کی سینکڑوں بلدیاتی، صوبائی اور وفاقی نشستوں سے ایک سیٹ نہیں جیت سکتی (شاید بٹگرام سے کبھی ایک صوبائی سیٹ جیتی تھی دو ہزار آٹھ میں)۔ 

اگرچہ میں اصولی طور پر لسانی بنیادوں پر صوبوں کا مخالف ہوں اور ان دلائل سے اتفاق کرتا ہوں مگر آپ کو صرف وسائل سے دلچسپی ہے۔ تربیلا اور شمالی علاقہ جات کا ٹورزم ہاتھ سے نکل جائے گا۔

انتظامی بنیادوں پر صوبے بنانے میں کوئی حرج نہیں۔ چترال،

 مالاکنڈ اور فاٹا کو بھی چارسدہ، صوابی، مردان اور پشاور کے ساتھ رہنے میں کوئی دلچسپی نہیں ہے۔ یہاں دو نہیں پانچ چھ صوبے بن سکتے ہیں۔ کوہستان الگ، بشام، بٹگرام، کالا ڈھاکہ الگ، سوات دیر الگ، مالاکنڈ الگ، فاٹا کی ایجنسیوں کے الگ۔ 

https://www.dawn.com/news/710080/abbottabad-killings-anniversary-rallies-renew-demand-for-separate-hazara-province-2

زبان کون بناتا ہے؟

 

وسیم الطاف صاحب نے پوسٹ لگائی کہ اردو کی مفلسی کا یہ عالم ہے کہ اس میں لفظ سٹیک ہولڈر کا متبادل نہیں ہے۔ 

عرض ہے کہ چینی اور جاپانی زبان میں جب کسی لفظ کا متبادل موجود نہیں ہوتا تو اس کا چینی جاپانی متبادل بنا دیا جاتا ہے۔ یہ مفلسی نہیں ہوتی۔ ہر زبان میں ایسا ہوتا ہے۔ جیسے چائینیز میں میکڈونلڈز کو مائے دی لو یا جاپانی میں مائیکروفون کو مائیکو بولا جاتا ہے۔ اردو میں ہاسپیٹل کو ہسپتال یا اسپتال، عربی میں پیپسی کو بیبسی۔ یہ تب کیا جاتا ہے جب متبادل صوتی کیریکٹر یا الفاظ نہیں ہوتے یا آسانی سے ادا نہیں ہو پاتے۔ 

انگریزی کے سٹیک ہولڈر کو سٹیک ہولڈر استعمال کرنا اردو ہی کہلائے گی یا سٹیکر کہا جا سکتا۔ جیسے کمپلینٹ کو شکایت کے بجائے کمپلین لکھا جاتا ہے اکثر۔ زبان جامد نہیں ہوتی۔ اس میں ارتقاء ہوتا رہتا ہے۔ اردو اور ہندی میں پہلے سے بہت سے انگریزی اور خاص طور پر پرتگیزی کے الفاظ شامل ہیں جیسے گلاس، بالٹی۔ اب انگریزی میں کوزے یا لوٹے کے لیے کوئی لفظ نہیں تو کیا انگریزی مفلس ہو گئی؟ جب زبان بنی تب جو کلچر تھا وہی چلے گا۔ 

اسی طرح انگریزی نے بہت سے الفاظ اردو اور ہندی یعنی ہندوستانی سے مستعار لیے جیسے مصالحہ۔ اب جو جس کلچر سے چیز آئے گی اس کو آپ اپنا خودساختہ نام دیں گے تو مزاحیہ لگے گا۔ جیسے کنڈوم کو کچھ لوگ آلہ بندش تولید کہتے اور اب یہ بھی فارسی کے الفاظ ہیں۔ 

زبان عوام بناتی ہے۔ جو وہ استعمال کریں وہی زبان ہے چاہے جہاں سے بھی آئے۔ الفاظ سے زبان نہیں بنتی۔ زبان گرائمر، رسم الخط اور انشاپردازی سے بنتی ہے۔ اسی میں آپ کوئی بھی لفظ مستعار لے کر استعمال کر سکتے ہیں۔ کیونکہ سب زبانیں ایک دوسرے سے الفاظ مستعار لیتی ہیں اور اس میں کوئی مضائقہ نہیں ہے۔

مزید یہ کہ زبان عوام ہی بناتی ہے۔ روزمرہ محاورہ اور جو عمومی ہو گا وہی چلے گا۔ ورنہ ہمارا ایک پورا ادارہ ہے ادارہ فروغ قومی زبان جو ستر سالوں سے عوام کے ٹیکس پر پل رہا ہے اور اردو میں الفاظ کے متبادل بنا بنا کر لسٹیں شائع کرتا رہتا ہے مگر کوئی ان الفاظ کو پوچھتا بھی نہیں۔ اب لسٹ کی اردو بھی موجود ہے اور پرانی ہے۔ کسی کو معلوم ہے یا کوئی استعمال کرتا ہے؟ وہی لفظ چلے گا جو عوام میں آسان اور مقبول ہو گا۔ 

ڈاکٹر عاکف خان

عدنان خان کاکڑ کا جوابی کمنٹ: بندہ مشکل میں پڑے تو کسی پینڈو سے پوچھ لے. جیسے موٹر سائیکل کے سائیڈ بورڈ کا آپ چاہے جتنا مرضی نستعلیق ترجمہ کر لیں لیکن جو بات ٹاپا میں ہے وہ نہیں بنے گی. اسی طرح انگریز چاہے پک اپ کہیں اور امریکی ٹرک، لیکن اردو لفظ ڈالا ہی ہے

کیا ہندکو، پوٹھوہاری اور سرائیکی پنجابی کے لہجے ہیں؟

 

ڈاکٹر عاکف خان

اگر اس منطق سے جائیں کہ سب لہندا اور چڑھدا لہجے ہیں اور سب پنجابی ہی کے لہجے ہیں تو پھر زبانیں تاریخ میں کبھی جدا نہ ہوں نہ ان کا ارتقاء ہو۔ دری اور فارسی، پرتگالی اور ہسپانوی، ہندی اور اردو حتی کہ سرائیکی اور سندھی میں بھی اتنی مشابہت ہی ہے۔ 

یہ فیصلہ کرنا کہ کس کی زبان الگ ہے یا نہیں یہ عوام کا ہوتا ہے مرکز کا نہیں۔ یہ مرکزیت کی سیاست مقتدرہ کی سیاست ہے۔ اس سے حتی الامکان بچنا ہی چاہیے۔ وزیرستان کی پشتو بٹگرام کے پشتون کو سمجھ نہیں آتی، مگر پھر بھی وہ پشتو ہے۔ کیوں؟ کیونکہ وزیرستان والا بھی اسے پشتو ہی کہتا ہے اور بٹگرام والا بھی۔ اسی طرح ہرات میں دری بولنے والوں کو کبھی تہران سے کسی نے نہیں دھمکایا کہ یہ تو فارسی کا لہجہ ہے، تم گستاخ  نے اس کو الگ زبان کیوں بولا؟ اور کیا مجال ہندکو سرائیکی پہاڑی پوٹھوہاری غلام قوموں اور غلام لہجوں کی کہ پنجابی کے تسلط کو چیلنج کریں۔ بہت بری بات۔ اپنی اوقات میں آ جائیں۔ ہمیں زیادہ پنجابی لوگ اور علاقہ چاہیے۔ زبردستی کوئی کسی شناخت میں شامل ہو سکتا ہے بھلا؟ کتنی مضحکہ خیز بات ہے۔ 

ایک اعتراض ہے کہ ہندکو سرائیکی بولنے والا کینیڈا جا کر خود کو پنجابی کہتا ہے کیونکہ وہاں اسے سکھ کمیونٹی کا “آشیرباد” چاہیے۔ جس کو جس زبان سے فائدہ ہو گا وہ بولے گا۔ اس میں برا منانے والی کون سی بات؟ مجھے لگتا ہے کہ کوئی خوش ہوتا ہے اچھا دوستانہ ماحول پیدا ہوتا ہے میں اس کے ساتھ اس موقع کے حساب سے چینی، اردو، پنجابی، سرائیکی، انگریزی، ٹوٹی پوٹھی عربی فارسی ہسپانوی تک ٹھوک جاتا ہوں۔ ایسے ہی لوگ ایک دوسرے سے کمیونیکیٹ کرتے ہیں۔ 

کسی ہندکو والے نے فیسبک میں اصرار کیا کہ ہندکو کا اساں تساں والا لہجہ پنجابی ہے جو فیسبک کو اپنانا چاہیے تو ایک بہت پیارے دوست جو وہاں کام کرتے تھے انہوں نے بڑی مشکل سے سب کو سمجھایا کہ لاہور امرتسر والی پنجابی سٹینڈرڈ ہے۔ تو ایک تضاد تو یہیں پر آ گیا، ہندکو بولنے یا ہزارہ والے نے جب کہا کہ اس کی زبان پنجابی ہے تو آپ کو سٹینڈرڈ لہجہ یاد آ گیا کہ یہ وت، اساں، تساں، کرساں کہاں سے پنجابی ہو گئی؟ پہلے خود ہی اسے بتاتے ہیں کہ یہ پنجابی ہے۔ جب وہ کہہ رہا ہے یہ پنجابی ہے تو کہتے ہیں نہیں یہ پنجابی نہیں ہے یا اصل پنجابی نہیں ہے۔ یہیں سے دیکھ لیں تضاد۔ تضاد نہ بھی ہو، چلیں لہجہ ہی مان رہے ہیں مگر ایک کمتر اور غیر سٹینڈرڈ۔ تو اس سے بہتر نہیں اس کو الگ ہی زبان ماننے دیں یا پھر وہ برابری پر آ جائے گی اور فیسبک کو ہندکو کو الگ سے لانا پڑے گا؟ میں یہ نہیں کہہ رہا کہ آپ ارادی طور پر ایسا کر رہے ہیں مگر یہی غیرارادی تعصب اور احساس برتری ہے پنجابی زبان اور سیاست کا جس کے باعث سرائیکی، پوٹھوہاری، پہاڑی اور ہندکو اپنی الگ لسانی شناخت پر مصر ہیں۔ آپ کھلم کھلا ڈیکلیئر کر دیں کہ یہ زبانیں الگ ہیں تا کہ کینیڈا میں بیٹھے سکھوں کو بھی علم ہو جائے کہ ہندکو پنجابی نہیں ہے۔ وہاں تو ایک پختون بھی سکھ کے ساتھ پنجابی ہی بول رہا ہوتا ہے، سکھ کو کوئی ٹینشن نہیں کہ اصلا پنجابی ہے یا یہ تو کشمیری بٹ ہے جو سو سال سے لاہور میں بسا ہے۔  

نیشنلزم تو ایکسکلوزو اور پیوریٹن ہوتا ہے، یہ ریاستی ون یونٹ والا پنجابی نیشنلزم جو زبردستی سب کو ایک اور مرکز میں شامل کرنے کی کوشش کرتا ہے، اس کو کم از کم ہمارے پڑھے لکھے سمجھدار دوستوں کو سیکنڈ نہیں کرنا چاہیے۔ زبانوں کا ارتقاء بیشک ڈسکس ہونا چاہیے، پنجابی بھی کبھی سندھی کا لہجہ تھی مگر یہ حاکمیت، مرکزیت اور غیرضروری تسلط کوئی ترقی پسند اور ریشنل اپروچ نہیں ہے۔  

اور کسی نے پنجابی کا مذاق نہیں اڑایا۔ یہ جذباتیت ہے۔ ایک سٹیٹ سپانسرڈ پراجیکٹ کا مذاق اڑایا گیا جو کہ بلوچوں اور پختونوں کے جائز مطالبات کو لسانیت کے نام پر کرش کرنے کے لیے بنا ہے۔ پنجابی زبان یا پنجابیوں کو کس سے خطرہ ہے؟

(ڈاکٹر عاکف خان)

اسی پر کچھ مزید کمنٹس جو فیسبک پوسٹس میں کیے گئے۔ 

سٹیٹ سپانسرڈ پنجابی نیشنلزم جس کے سربراہ عمار شاہ کاظمی پنجابی ہیں دنیا کا وہ واحد نیشنلزم ہے جو زبردستی دوسری قوموں اور زبانوں کو بھی اپنے اندر شامل کرنے پر مصر ہے۔

———————————

پختون نسل پرست ہزارہ والوں کو نفرت سے پنجابیان کہتے ہیں، پنجاب والے محبت سے۔ نہ یہ پورا چھوڑتے ہیں نہ وہ پورا اپناتے ہیں۔ بیچ میں چمگادڑ بنایا ہوا ہے۔ جب اپنی الگ شناخت کی بات کریں تو اے این پی والوں کو یاد آتا ہے کہ ہزارہ میں تو ہندکو بولنے والے نسلا پختون ہیں اور پنجابی نسل پرستوں کو یاد آتا ہے کہ ہندکو تو پنجابی کا لہجہ ہے۔ اجی جو پوٹھوہاری اور پہاڑی پنجاب میں آتے ہیں، ان کو تو پورا اور برابر کا پنجابی مانیے پہلے۔ پھر ہندکووانوں یا ہزارہ والوں کی باری آئے گی۔ سرائیکیوں سے بھی یہی مخمصہ ہے۔ یا تو پھر چھوڑیں سب فضول ایسی بحثیں، ہر ایک کو سمجھنے دیں جو وہ خود کو سمجھتا ہے۔ ڈائیورسٹی کو سیلیبریٹ کریں۔

——————————

سبحان احمد صاحب کا کمنٹ

پنجابی نیشنلسٹ اس ملک میں سب سے زیادہ مضحکہ خیز لوگ ہیں۔ پنجابی قوم پاکستان کی سب سے زیادہ پریولیجڈ قوم ہے اب وہ اپنے قومی حقوق کا مطالبہ کس سے کریں؟ اگر انکی زبان اپنا جائز مقام حاصل نہیں کر سکی تو اس کا گلہ وہ کس سے کریں؟ ایک بیرونی دشمن تو درکار تھا لہذٰا انہوں نے ہندوستانی اور افغانی مہاجروں کی صورت میں دو دشمن تلاش کیے جو مبینہ طور پر پنجابی قوم کے مفادات کو نقصان پہنچانے میں سب سے آگے ہیں۔ مزید ایک دشمن جنوبی پنجاب کے بلوچوں کی صورت میں دریافت ہوا جو پنجاب کی تقسیم کی سازشیں کر رہے ہیں۔

بجائے یہ کہ یہ اپنی زبان کی بحالی کے لیے کام کرتے، تراجم کرتے، ادب تخلیق کرتے، پنجابی میں معیاری فلمیں بناتے جو لبیکیوں کی مذہبی انتہا پسندی کو کاونٹر کرتی، یہ ایک فسطائی تحریک بننے کی جانب گامزن ہیں۔

پاکستان میں لسانی و نسلی شناخت کی متقاطعیت یا انٹرسیکشنالیٹی

 

پاکستان میں لسانی و نسلی شناخت کی متقاطعیت یا انٹرسیکشنالیٹی

ڈاکٹر عاکف خان

سب سے بڑا مسئلہ پاکستان میں زبانوں کا یہ ہے کہ لائنیں کلیئر نہیں ہیں۔ اس کو تنوع کہیں یا خوبصورتی لیکن مسئلہ تب اجاگر ہوتا ہے جب شناختی سیاست اجاگر ہوتی ہے، اسے کوئی خود کرے یا وہ خود ہو وہ بہرحال اپنی جگہ موجود ہے اور اس منہ نہیں موڑا جا سکتا۔ یہ اچھی بات ہے یا بری یا یہ لائنیں کلیئر کی جا سکتی ہیں، چلیے دیکھتے ہیں۔ 

اس مسئلے پر بات نہیں کی جاتی جس کی دو بڑی وجوہات سمجھی جاتی ہیں۔ ایک یہ ہے کہ مقتدرہ ناراض ہو گی یا نسل پرست دوسری یہ کہ مرکز کا کنٹرول کمزور پڑے گا۔ لیکن یہ بلی کو دیکھ کر کبوتر کی آنکھیں بند کرنے والی بات ہے۔ پچھلے دنوں مریم نواز نے صوبہ ہزارہ کی بات کی تو ایمل ولی نے نعرہ لگایا کہ یہ صوبہ سرحد کو تقسیم کرنے کی سازش ہے۔ صوبے بنانا پنجاب سے شروع کریں۔ جب پنج آب سے یہ بات شروع کرنے کی کوشش کی جاتی ہے تو یہی عذر سامنے آتا ہے کہ پنجاب کو تقسیم کرنے کی سازش ہے۔ بھارت میں آدھا پنجاب رہ گیا تھا جسے انہوں نے مزید صوبوں میں تقسیم کر دیا، کیا اس سے پنجاب تقسیم ہو گیا؟ 

خیر شناخت کی طرف آتے ہیں۔ یہ ایک انتہائی پیچیدہ اور انٹرسیکشنل معاملہ ہے جس کے لیے لائنیں نہیں کھینچی جا سکتیں۔ جیسے پختون نیشنلسٹوں کا دعوی ہے کہ ہزارہ میں ہندکو بولنے والے پختون آباد ہیں جبکہ پشتو بولنے والوں کی بھی کثیر تعداد ہے۔ پنجابی نیشنلسٹوں کا دعوی ہے کہ ہندکو، پہاڑی اور پوٹھوہاری پنجابی کے لہجے ہیں۔ اب پہلے یہی طے نہیں ہو سکتا کہ یہ نسلی شناخت ہے یا لسانی۔ صوبہ سرحد میں پشتو بولنے والوں کو پختون یا پشتون سمجھا جاتا ہے۔ اے این پی کے دوست کہتے ہیں کہ پختون علاقوں میں بسنے والے سب پختون ہیں۔ 

اب اگر پہلی بات درست ہے تو ہزارہ میں بسنے والے ہندکو سپیکنگ نسلا پختون پختون کہلائیں گے اور اگر دوسری بات درست ہے تو کیا پنجاب میں بسنے والے آفریدی، کاکڑ اور نیازی پختون نہیں کہلائیں گے؟ اسی طرح اگر ہزارہ میں بانے والے پختون ہندکو بول رہے ہیں اور اگر ہندکو پنجابی کا لہجہ ہے اور الگ زبان نہیں ہے تو کیا وہ پختون پنجابی ہو گئے؟ کیا پنجاب میں بسنے والے پختون نسلا پنجابی ہیں اگر وہ پنجابی مادری زبان کے طور پر بولتے ہیں؟ اسی طرح نسلا بلوچ سرائیکی بولنے والے بھی ہیں اور سندھی بولنے والے بھی، پختون بھی سندھی بولنے والے ہیں، انہیں کیا کہا جائے گا؟ یو کے میں پیدا ہونے والا پاکستانی بچہ جو صرف انگریزی سمجھتا اور بولتا ہے، کیا وہ انگریز ہو جائے گا؟ 

اے این پی کی مرکزی قیادت میں بلور خاندان پیش پیش ہے۔ کیا آپ جانتے ہیں کہ وہ پشاور کے ہندکو سپیکرز ہیں۔ کیا وہ پنجابی ہیں یا پختون ہیں۔ اسی طرح کراچی میں مہاجروں کو اردو سپیکر کہا جاتا ہے مگر ان میں گجراتی، بنگالی، پنجابی اور کئی دوسری زبانیں بولنے والے لوگ بھی موجود ہیں۔ سب مہاجر یو پی سے نہیں آئے۔  

ایک اور مسئلہ یہ ہے کہ زبان ایک دم تبدیل نہیں ہوتی۔ جنوب کی سرائیکی مختلف ہے، ڈی آئی خان کی مختلف۔ پنجابی شمال میں جاتے جاتے پوٹھوہاری اور ہندکو کے نزدیک ہو جاتی ہے اور جنوب میں سرائیکی سے ملتی جلتی ہے۔ ہری پور، ایبٹ آباد اور مانسہرہ کی ہندکو ایک دوسرے سے بھی مختلف ہے اور مغرب میں موجود تناول اور مشرق میں موجود گلیات کی ہندکو سے بھی۔ شنکیاری، بفہ، ڈوڈھیال اور چھتر میں ہندکو اور پشتو مکس بولی جاتی ہے۔ ایبٹ آباد، حویلیاں اور ہری پور کے نسلا پختون لوگوں کی ہندکو میں پشتو کے الفاظ اور چھاپ ہیں اور ان کی ہندکو ہزارہ کے قدیم قبائل جیسے گجر، عباسی، کڑلال، مغلوں اور اعوانوں سے تھوڑی مختلف ہے، جبکہ کلچر بھی کافی مختلف ہے۔  

کیا صوبے بنانے سے شناخت کا یہ انٹرسیکشنکل شناختی مخمصہ حل ہو سکتا ہے؟ اس کا ایک سادہ حل ہے جو کہ کوئی بھی ماننے کو تیار نہیں۔ وہ یہی ہے کہ جو خود کو جو سمجھتا ہے سمجھنے دیجیے۔ کسی کو زبردستی نہ اپنے میں شامل کریں نہ کسی کو زبردستی اپنے میں سے نکالیں۔ تو عرض ہے کہ یہ انٹرسیکشنل شناخت ہے۔ اپنی زبان اور بولی کو منانے والے دن دوسروں کی بولیوں پر ڈاکے نہ ڈالیں، اپنی زبان اور کلچر کو منائیں، پھر کسی کو کسی پر تنقید یا ایک الزام کے تحت “مذاق اڑانے” کی ضرورت پیش نہیں آئے گی۔ 

(ڈاکٹر عاکف خان)